Дээлний самфин зангидах

Дээлний сампин буюу товч зангидах аргыг зурагтай нь хамт тайлбарлан орууллаа :D

Зураг1: Товч зангидах шилбээ бэлдэнэ.

Зураг 2 : Шилбэнийхээ нэг үзүүрийг (улаан) гартаа атгаад нөгөө үзүүрийг (цэнхэр) долоовор хуруундаа гогцоолон орооно.

Зураг 3: Цэнхэр үзүүрээ мөн эрхий хурууныхаа доогуур оруулан гогцоолж ороогоод атгана.

Зураг 4: Эрхий хуруунийхаа гогцоог хуруунаасаа мултлана.

Зураг 5: Мулталсан гогцоог долоовор хурууны гогцоондээр тавина.

Зураг 6: Долоовор хурууны гогцоог эрхий хуруунаасаа мулталсан гогцооны голоос татаж гаргаж ирнэ.

Зураг 7 : Гогцоогоо дээш нь нилээн татаж гаргаж ирнэ.

Зураг 8: Улаан үзүүрээ цэнхэр үзүүрийн доогуур оруулна.

Зураг 9: Улаан үзүүрээ түрүүн дээш нь татсан гогцооныхоо голоор татаж гаргана.

Зураг 10: Улаан үзүүрээ сайн татна. Татсаны дараа доорх зурган дээрх шиг тэгш хэмтэй хэлбэр үүснэ.

Зураг 11: Улаан үзүүрээ цааш нь нугалаад голын дөрвөлжин хэсгийн доод талаас нь гаргаж ирнэ.

Зураг 12

Зураг 13: Мөн цэнхэр үзүүрээ голын хэсгээр гаргаж ирнэ.

Зураг 14: Одоо 2 үзүүрээ нааш нь татна.

Зураг 15

Зураг 16: Татсаны дараа иймэрхүү хэлбэртэй харагдана.

Зураг 17: Зангидах явцдаа зангилаагаа бага багаар чангалж явах хэрэгтэй.

Зураг 18: Дээрээс нь ингэж харагдана. Оройн хэсгээс гаднах 4 тал нь тэгш хэмтэй харагдах ёстой.

Зураг 19: Доороосоо мөн тэгш хэмтэй 4 тал харагдах ёстой. Сампин нь оройныхоо талтай нийлээд нийт 9 талтай байна. Орой 1, дээд доод тал нь тус бүр 4, 4-н тэгш хэмтэй талтай байна.

Зураг 20:Одоо сампингаа бага багаар чангалаад явна.Нэг талаас нь эхлээд хөөхөд бүх тал нь хөөгдөөд чангарах ёстой.

Зураг 21: Ерөнхийдөө чангалсны дараа оройн хэсэг үлдэнэ.

Зураг 22: Оройн хэсгээ сүүлд нь чангална. Дээрээсээ харахад ингэж харагдана.

Зураг 23: За ингээд товч маань дээлэндээ хадагдахад бэлэн боллоо. :D